As froliñas dos toxos

As froliñas dos toxos

Noriega Varela

¡Nin rosiñas brancas, nin claveles roxos!

Eu venero as froliñas dos toxos.

Dos toxales as tenues froliñas,

que sorríen, a medo, entre espiñas.

Entre espiñas que o ceio agasalla

con diamánte-las noites que orballa.

¡Oh do iermo o preciado tesouro!:

as froliñas dos toxos son de ouro.

De ouro vello son, mai, as froliñas

dos bravos toxales, ¡das devociós miñas!...

Freixeiro Mato, Xosé Ramón (1994): Antonio Noriega Varela.

Estudo e edición da obra completa.

(Lugo: Deputación Provincial de Lugo. Servizo de publicacións)

 
 

Eu non sei cal é a vosa flor preferida,  pero o ouro da chorima sempre me chegou ao corazón.

 

Escoita